_1704867435.jpeg)
ओखलढुंगा: ओखलढुंगाको खिजिदेम्बा गाउँपालिका ५ ढाडखर्कमा एक वृद्धको हत्या भएको छ ।
स्थानीय ६८ बर्षीय मित्र बहादुर तामाङको धारिलो हरियार खुकुरी र दाऊ प्रहार गरि हत्या भएको हो। उनको आज दिउसो साँढे १२ बजे हत्या भएको प्रहरीले जनाएको छ । मित्रबहादुरलाई उनकै भाई ६७ बर्षीय शेर बहादुर तामाङ र शेर बहादुरका छोरा ३६ बर्षीय बिर बहादुर तामाङले हत्या गरेको हो । ईलाका प्रहरी कार्यालय खिजिफलाटेको प्रहरी टोलीले खुकुरी र दाऊसहित हत्यामा सम्लग्न दुवै जनालाई पक्राउ गरेको छ ।
अंशबण्डाको बिषयमा विवाद हुदाँ धारिलो हतियार खुकुरी र दाउmले टाउकोमा प्रहार गरेपछि मित्र बहादुरको घटनास्थलमानै मृत्यु भएको थियो । उक्त घटनाबारे थप अनुसन्धान गर्न जिल्ला प्रहरी कार्यालय ओखलढुंगाबाट समेत प्रहरी टोली घटनास्थलमा गएको छ । घटनास्थल जिल्ला प्रहरी कार्यालय ओखलढुंगाबाट करिब ६० किलोमिटर पश्चिम उत्तर रहेको छ।
