_1704867435.jpeg)
धरान: सुनसरीबाट प्रहरीले २ नाल अटोमेटिक पेस्तोलसहित भारतीय नागरिक पक्राउ गरेको छ ।
कोशी गाउँपालिका १ लौकहीबाट भारतको अररिया जिल्लाको वासमतिया ६ का ३५ बर्षीय विद्यानन्द राम र वासमतिया २ का ३१ बर्षीय हसिम अन्सारीलाई प्रहरीले पक्राउ गरेको हो । उनीहरुको साथबाट २ नाल पेस्तोल र ४ वटा म्यागजिन र ३ राउण्ड गोलीसमेत वरामद भएको सुनसरी प्रहरीले जनाएको छ ।
बि.आर-५०-के-०१४९ नम्बरको मोटरसाइकलमा २ जना हतियार कारोबारी भारतीय नागरिक नेपाल आइरहेको गोप्य सुचनाको आधारमा सुनसरी प्रहरीले पछ्याएर उनीहरुलाई लौकही बजारबाट पक्राउ गर्न सफल भएको प्रहरीको भनाई छ । पक्राउ परेकाहरुलाई मुलुकी अपराध संहिता २०७४ को परिच्छेद ६ को हातहतियार तथा खरखजाना सम्बन्धी कसुरमा जिल्ला अदालतबाट म्याद थप गरि अनुसन्धान गरिरहेको सुनसरी प्रहरी प्रमुख तथा एसपी सञ्जयसिंह थापाले जानकारी दिए । प्रारम्भिकरुपमा हतियारको कारोबार गर्न आएको भन्ने देखिएको र विस्तृत अनुसन्धान भइरहेको पनि उनले बताए ।
