_1704867435.jpeg)
ईलाम: ईलाम नगरपालिका १० स्थित मेची राजमार्गमा दुर्घटना हुँदा १ जनाको मृत्यु भएको छ भने ४ जना घाईते भएका छन्।
मृत्यु हुनेमा बारा जिल्लाको सिम्राहागण नगरपालिका ७ का ३५ बर्षीय प्रदिप कुसुवाह रहेका छन् । हिजो राती ९ बजे बारा जिल्लाबाट इलाम घुम्न आएका ४४ जना सवार ना ४ ख ६२४८ नम्वरको बस अनियन्त्रित भई सडकको नालीमा ठोक्किएर दुर्घटना भएको थियो । दुर्घटना हुँदा कुसुवाह झ्यालबाट हाम्फाल्ने क्रममा बसले चेप्पिएर घटनास्थलमा नै मृत्यु भएको प्रहरीले जनाएकोछ ।
गम्भिर घाईते भएका ४० बर्षीय धुरुप कुसुवाहको बि.एण्ड.सि.अस्पताल बर्तामोडमा र अन्य सामान्य घाईते ३ जनाको स्थानिय मेडिकलमा उपचार भइरहेको छ। दुर्घटनाबारे इलाका प्रहरी कार्यालय पशुपतिनगरबाट थप अनुसन्धान भईरहेको जनाएको छ ।
