_1704867435.jpeg)
सुनसरी: इटहरी क्षेत्रमा मोटरसाइकल चोरीमा संलग्न ३ जनालाई प्रहरीले पक्राउ गरेको छ ।
सुनसरी प्रहरीका अनुसार गत कार्तिक ९ गते इटहरी ६ स्थित आर.सि.टी.मार्केट छेऊमा पार्किङ गरि राखेको नबिन बोगटीको को १५ प २९ नम्बरको मोटरसाइकल चोरी भएको थियो । यस्तै, फागुन १२ गते बिहिबार पनि इटहरी ६ स्थित इटहरी मेडिकल छेउमा पार्किङ गरि राखेको को ३६ प ९६४ नम्बरको मोटरसाइकल चोरी भएको थियो ।
प्रहरीले खोजी गर्ने क्रममा चोरी भएको मोटरसाइकलसहित ३ जना पक्राउ गर्न सफल भएको जनाएको छ । पक्राउ पर्नेमा सप्तरीको कञ्चनपुर नगरपालिका १२ घर भई हाल इटहरी ८ गैसारमा डेरा गरि बस्ने २३ बर्षीय राहुल श्रेष्ठ, इटहरी २० का २४ बर्षीय सरोज कार्की र मोरङको मिक्लाजुङ गाउँपालिका ५ का २८ बर्षीय पुजन भन्ने अजित श्रेष्ठ रहेको सुनसरी प्रहरीले जनाएको छ ।
तिनै जनालाई इटहरी क्षेत्रबाट नै मोटरसाइकलसहित पक्राउ गरिएको हो । उनीहरुलाई सुनसरी जिल्ला अदालतबाट म्याद थप गरेर अनुसन्धान भइरहेको पनि प्रहरीले जनाएको छ ।
