_1704867435.jpeg)
ताप्लेजुङ: ताप्लेजुङ सदरमुकाम फुङलिङ बजारमा भएको आगलागीमा कम्तीमा ७ वटा घर जलेर ध्वस्त भएको छ ।
फुङलिङस्थित पुरानो बैंकलाइनमा शुक्रबार राति भिषण आगलागी भएको थियो । जसमा ११ वटा पसल रहेको ७ वटा घर जलेर ध्वस्त भएको प्रमुख जिल्ला अधिकारी डोरेन्द्र निरौलाले जानकारी दिए । क्षतिका पुर्णविवरण भने आइसकेको छैन । स्थानीय, नेपाली सेना, सशस्त्र प्रहरी, नेपाल प्रहरीको प्रयासमा आगो मध्यराती नियन्त्रणमा आएको थियो ।
आगलागीबाट खेम केसीको ४ तले पक्की घर पूर्णरुपमा जलेको छ भने चन्द्रप्रसाद निरौलाको पाँच तले घरको आधा भाग जलेको छ । यस्तै, नेत्र कार्की, भट्टराई बन्धुका दुई घर र टेकबहादुर लेछर्बोका घर पनि जलेको छ ।
