_1704867435.jpeg)
ताप्लेजुङ: बैशाख १० गते तमोर नदीमा माछा मार्न जादा बगाएर वेपत्ता भएका एक किसोरको शव १० दिनपछि भेटिएको छ ।
आठराई त्रिवेणी गाउँपालिका २ का १७ बर्षीय मनोज काम्बाङ तमोरमा हराएको १० दिन पछि मृत फेला परेका हुन् । नदीमा माछा मार्न गएका काम्बाङ हराएर बेपत्ता भएसंगै प्रहरीले र स्थानीयले खोजतलास गरिरहेको थियो । उनलाई प्रहरी र स्थानियवासीको टोलीले शनिबार बेलुका साँढे ६ बजे तेह्रथुमको आठराई गाउँपालिका २ को ईवा र आठराई गाउँपालिका ३ ह्याकुको सिमानामा पर्ने हिउदिया दोभानमा मृत फेला पारेको जिल्ला प्रहरी कार्यालय ताप्लेजुङले जनाएको छ ।
झापामा पनि खोलामा डुबेर मृत्यु
झापाको अर्जुनधारा नगरपालिका १ का ६५ बर्षीय दुर्गा खपाङगी मगर सानोमेचे खोलामा डुबिरहेको अवस्थामा मृत फेला परेका छन् । शनिवार बिहान ९ बजेको समयमा खपाङगी मगर खोलामा मृत अवस्थामा भेटिएको ईलाका प्रहरी कार्यालय अनारमनीबाट प्रहरी टोली खटि गई कानूनी प्रकृया पुरा गरी अन्य थप अनुसन्धान भईरहेको उक्त कार्यालयले जनाएको छ ।
