_1704867435.jpeg)
ईलाम: ईलामको देउमाई ६ शान्तीडाँडाकी २५ बर्षीया शुष्मा राई आफ्नै बुबाको हत्या आरोपमा पक्राउ परेकी छिन ।
हिजो बेलुका ८ बजे खाना खाएर घरमा बुबासँग गफ गरेर बसिरहेको अवस्थामा एक्कासी घरायसी बिषयमा झगडा हुँदा सुष्माले बञ्चरो प्रहार गरेर हत्या गरेको खुलेको छ । राती करिब ११ बजे उनले आफ्नै बुबा ५१ बर्षीय फुल बहादुर राईलाई बन्चरोले टाउकोमा प्रहार गरेको प्रहरी अनुसन्धानबाट खुलेको छ । फुलबहादुर आफ्नै घरभित्र मृत अवस्थामा फेला परेको खबर आज बिहान ६ बजे आफन्तले ईलाका प्रहरी कार्यालय मंगलवारेमा खबर गरेका थिए ।
घटनाको जानकारी पाएपछि जिल्ला प्रहरी कार्यालय ईलामबाट समेत प्रहरी टोली घटनास्थलमा खटिएको थियो । प्रहरी टोलीले मृतक राईको हत्या भएको पुष्ठी गरेको थियो भने छोरी शुष्मालाई जंगलमा लुकेर बसेको अवस्थामा बन्चरोसहित पक्राउ गरेको जिल्ला प्रहरी कार्यालय इलामले जनाएको छ । घटनाबारे थप अनुसन्धान भईरहेको प्रहरीले जनाएको छ।
