_1704867435.jpeg)
धरान: इटहरी २० तरहराका एक युवाको हत्या गरि फरार रहेका तीन जनालाई प्रहरीले पक्राउ गरेको छ ।
ईलाका प्रहरी कार्यालय इटहरीको टोलीले तरहराका रादन राईको हत्या गरि फरार रहेका तीन जनलाई खनार क्षेत्रबाट पक्राउ गरेको हो । पक्राउ पर्नेहरुमा मुख्य अभियुक्त प्रज्वल तामाङ, अभिषेक पौडेल र अभिषेक गिरी रहेका छन् । सामान्य विवादको क्रममा तीन जना मिलेर राजनको हत्या गरेको प्रारम्भिक अनुसन्धानबाट खुलेको छ । पक्राउ परेका तीनै जनालाई कर्तव्य ज्यान मुद्दामा कारबाही प्रक्रिया अघि बढाउने डिएसपी धर्मराज भण्डारीले जानकारी दिए ।
आइतबार राती तरहरामा राईलाई छुरा प्रहर गरी गम्भीर घाइते बनाएका थिए । तरहरामा उपचार हुन नसकेपछि उनलाई धरानस्थित वीपी कोइराला स्वास्थ्य विज्ञान प्रतिष्ठान ल्याइएको थियो । उनको बाटोमा नै मृत्यु भएको चिकित्सकले बताएको थियो । बेलायतमा बस्दै आएका मृतक राई लकडाउनको कारणले फर्कन पाएका थिएनन् ।
