धरान: धरान १७ स्थित एन्फा एकेडेमी क्वारेन्टाइनमा रहेका १९ सहित २४ जनाकै पिसिआर रिपोर्ट नेगेटिभ आएको छ ।

क्वारेन्टाइनमा रहेका १९ जना र खाना पुर्याउन आउजाउ गर्नेलगायत थप ५ जना गरी २४ जनाको शुक्रबार परीक्षणको लागी स्वाब संकलन गरिएको थियो । उनीहरु सबैको रिपोर्ट नेगेटिभ आएको धरान उपमहानगरपालिकाका स्वाथ्य महाशाखा प्रमुख उमेश मेहताले जानकारी दिए । उनका अनुसार रिपोर्ट नेगेटिभ आएका र क्वारेन्टाइनमा बसाई ७ दिन नाघेकाहरुलाई घर पठाइनेछ ।क्वारेन्टाइनमा हाल ४८ जना छन् । उनीहरुमध्ये महिला २४ र पुरुष संख्या पनि २४ नै रहेको छ ।