_1704867435.jpeg)
धरान: प्रहरीले धरानबाट ब्राउन सुगरसहित हिजो ३ जना युवाह?लाई पक्राउ गरेको छ ।
दिउँसो करिब साढे ५ बजे धरान ८ स्थित भित्री सडकमा शंकास्पद अवस्थामा हिडिरहेको अवस्थामा धरान १८ शिवमार्गका २६ बर्षीय प्रवल राईलाई प्रहरीले चेकजाँच गरेको थियो । त्यसक्रममा उनको साथबाट १५० मिलिग्राम ब्राउन सुगर फेला परेको प्रहरीले जनाएको छ । उनलाई प्रारम्भिक सोधपुछ गर्दा वडा नं ८ का २४ बर्षीय सविन रानामगरको माध्यमबाट खरीद गरेको खुलेको थियो । त्यसपछि प्रहरीले सविनलाई पनि पक्राउ गरेर थप सोधपुछ गर्दा सोही वडा ८ का ३७ बर्षीय सुमेन मोक्तानसँग खरिद गरेको खुलेको थियो ।
प्रहरीले सुमेनको घर खानतलासी गर्दा कोठामा लुकाई राखेको अबस्थामा १५० मिलिग्राम खैरो हेरोईन जस्तो देखिने धुलो पदार्थ फेला परेको प्रहरीले जनाएको छ । पक्राउ परेका तीनै जनालाई आज सुनसरी जिल्ला अदालतबाट अनुसन्धान कार्यको लागि म्याद थप गरिएको पनि डिएसपी ज्ञानेन्द्र बस्नेतले जानकारी दिए ।
