धरान: धरानमा आज साँझ थप ७९ जनामा कोरोना संक्रमण पुष्टि भएको छ ।

धरान १७ एन्फा एकेडेमी क्वारेन्टिनस्थल र वीपी कोइराला स्वास्थ्य विज्ञान प्रतिष्ठान धरानमा स्वाब संकलन गरिएका विभिन्न वडाको ७९ जनाको रिपोर्ट आज(मंगलबार) साँझ पोजेटिभ आएको स्वास्थ्य महाशाखा प्रमुख उमेश मेहताले जानकारी दिए । उनका अनुसार हिजो सोमबार एन्फामा स्वाब संकलन गरिएकामध्ये ७२ जनाको रिपोर्ट पोजेटिभ आएको छ ।

यसैगरि, वीपी प्रतिष्ठानमा स्वाब संकलन गरिएकाहरुमध्ये ७ जनाको पनि रिपोर्ट पोजेटिभ आएको मेहताले जानकारी दिए । सोमबार एन्फामा १३७ जनाको स्वाब संकलन गरिएको थियो ।