धरान: कोशी लोकमार्गको धरान ४ स्थित देवानीथानमा ट्रक ब्रेकफेल भएर दुर्घटना हुँदा ५ जना घाइते भएका छन् । ती मध्ये २ को अवस्था गम्भीर छ भने ३ जना सामान्य घाइते भएको प्रहरीले जनाएको छ छ ।

धरान भेडेटार सडकखण्डमा पर्ने देवीथानमा मध्यराती १२ बजोर ३५ मिनेटमा धरानबाट गिट्टी बोकेर भेडेटारतर्फ गइरहेको ना ७ ख २९७ नम्बरको ट्रक ब्रेक फेल भएको प्रहरीले जनाएको छ । उक्त ट्रक भीरबाट करिब ७०० मिटर तल खसेको प्रदेश ट्राफिक प्रहरी कार्यालयले जनाएको छ । घाइते हुनेहरुमा ट्रक चालक ईटहरी उपमहानगर ५ का ३५ बर्षीय सुबाष राईको टाउकोमा चोट लागेको छ । बोल्न नसक्ने र अवस्था गम्भीर रहेको छ । यस्तै, सहचालक धनकुटा बुधबारे ६ का २५ को संजय श्रेष्ठको टाउको, खुट्टामा चोट लागेर उनी पनि बोल्न नसक्ने तथा अवस्था गम्भीर रहेको छ ।

घाइते हुनेमा पाँचथर दुरबिन्दा ४ का ६४ बर्षीया गंगा कार्की, ५० बर्षीया युक्त माया कार्की र बराहक्षेत्र नगरपालिका ५ का २३ बर्षीय अस्बिन चौधरीको अवस्था भने सामान्य रहकेो छ । घाइते सबैको वीपी कोइराला स्वास्थ्य विज्ञान प्रतिष्ठानमा उपचारको लाग पठाइएको प्रहरीले जनाएको छ ।