_1704867435.jpeg)
विराटनगर: गए राती मोरङको रंगेलीस्थित च्याउ खेती गर्ने घरभित्र तास खेलिरहेका ९ जनालाई प्रहरीले नगदसहित पक्राउ गरेको छ ।
जिल्ला प्रहरी कार्यालय मोरङका अनुसार गए राती करिब साढे ११ बजे रंगेली ७, नयाँ टोलस्थित लक्षु महतोको च्याउ खेती गर्ने घरभित्रबाट ९ जनालाई पक्राउ गरिएको हो । पक्राउ पर्नेहरुमा रंगेली ४ का २९ बर्षीय विकास कुमार मण्डल, ३५ बर्षीय कमल देव साह, ३५ बर्षीय धिरेन साह, १९ बर्षीय भोलेलाल मण्डल, रंगेली ७ का ६५ बर्षीय श्रीप्रसाद मुखिया, ३५ बर्षीय लक्षु महतो, ३७ बर्षे झम्सी यादव, रंगली ६ का १९ बर्षीय दिपक मण्डल र २० बर्षीय चन्दन मण्डल रहेका छन् ।
मोरङ प्रहरी प्रवक्ता एवं डिएसपी मानबहादुर राईका अनुसार उनीहरुको साथबाट ५५ हजार ९ सय नेपाली रुपैया र १८सय ५० भारतीय नगद पनि वरामद भएको छ। साथै, ९ वटा मोवाइल पनि वरामद भएको प्रहरीले जनाएको छ । पक्राउ परेकाहरुबारे थप अनुसन्धान भइरहेको मोरङ प्रहरीको भनाई छ ।
