विराटनगर: मोरङको सुनबर्षी नगरपालिका ५ झुगी चोकबाट कटुवा पेस्तोल र गोलीसहित एक व्यक्तिलाई प्रहरीले पक्राउ गरेको छ ।

ईलाका प्रहरी कार्याल रंगेलीको प्रहरी टोलीले स्थानीय ४१ बर्षका राजकुमार मण्डललाई कटुवा पेस्तोल, २ थान गोली र १९ हजार ३ सय २५ रुपैयासहित पक्राउ गरेको हो । मण्डलप्रति शंका लागेर प्रहरीले चेकजाँच गर्ने क्रममा कम्मरमा लुकाई राखेको कटुवा पेस्तोल वरामद भएको प्रहरीले जनाएको छ । पेस्तोलसहित पक्राउ परेका मण्डलबारे थप अनुसन्धान भइरहेको जिल्ला प्रहरी कार्यालय मोरङले जानकारी दिएको छ ।