_1704867435.jpeg)
धरान: ईलाका प्रहरी कार्यालय धरानको टोलीले धरान ९ बगैचा चोकस्थित एक घरबाट ठुलो परिमाणमा लागुऔषध र नगदसहित एक व्यक्तिलाई पक्राउ गरेको छ ।
स्थानीय शारदा राईको घरमा डेरा गरी बस्ने ४१ बर्षीय शुभचन्द्र राईलाई प्रहरीले लागुऔषधसहित आज करिब २ बजे पक्राउ गरेको हो । उनको कोठामा ढोकाको कुनामा प्लाष्टिकका बोराभित्र लागुऔषध र काठको दराजभित्र सानो हाते झोलाभित्र नगद फेला परेको प्रहरीले जनाएको छ । प्रहरीका अनुसार उनको कोठाबाट स्पास्मो प्रोक्सिभन प्लस १२८० क्याप्सुल, न्युट्रसन ३०० टे्याब्लेट र डाइलक्स डिसि ८० बोतल वरामद भएको छ ।
यसैगरि, उनको साथबाट नगद २ लाख ३७ हजार रुपैया पनि वरामद भएको डिएसपी ढुण्डीराज न्यौपानेले जानकारी दिए । उनको साथबाट एउटा मोवाइल र २ थान सिम पनि वरामद भएको उनले जानकारी दिएका छन् । पक्राउ परेका राईबारे थप अनुसन्धान भइरहेको प्रहरीले जनाएको छ ।
