_1704867435.jpeg)
धरान: आज प्रदेश एकमा ३ जना कोरोना संक्रमित थपिएका छन् । देशभर भने ११६ जनामा कोरोना संक्रमण पुष्टि भएको छ ।
संक्रमण पुष्टि भएकाहरुमा प्रदेश एकका ३ जना छन् । ती मध्ये एक जना धनकुटाका हुन् । हिजो पनि धनकुटामा ३ जना संक्रमित पुष्टि भएको थियो । यस्तै, आज प्रदेश एकको मोरङमा एक जना र एक जना ताप्लेजुङका व्यक्तिमा संक्रमण देखिएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए ।
उनका अनुसार देशभर पछिल्लो २४ घण्टामा ११६ जना संक्रमित थपिएका छन् । हालसम्म कुल संक्रमित संख्या १७ हजार १ सय ७७ पुगेको पनि डा.गौतमले जानकारी दिए । बुधबार देशभरबाट ६९७ जना डिस्चार्ज भएका छन् भने अहिलेसम्म कुल ११ हजार २५ जना डिस्चार्ज भइसकेका छन् ।
