सुनसरी: लागुऔषध खरीद गर्न धरानबाट गएका दुई युवासहित तीन जनालाई प्रहरीले ठुलो परिमाणको लागुऔषधसहित पक्राउ गरेको छ ।

सुनसरीको भोक्राहा नरसिंह गाउँपालिका ६ नहरचोकबाट जिल्ला प्रहरी कार्यालय सुनसरीको टोलीले उनीहरुलाई पक्राउ गरेको हो । पक्राउ पर्नेमा भोक्राहा नरसिंह गाउँपलिका ३ का राज कुमार मण्डल रहेका छन् भने उनीसँग लागुऔषध खरीद गर्न पुगेका धरानका ८ का २७ बर्षीय अजय श्रेष्ठ र अर्जुन कार्की रहेका छन् । 

प्रहरीले मण्डलको साथबाट ३ हजार ८ सय ४० क्याप्सुल ट्रोमाडोल र ४ बोतल डाईलक्स डिसी वरामद गरेको छ भने १६ हजार ७ सय रुपैया नगद र १ थान मोवायल पनि वरामद गरकेो छ । उनको साथबाट प्रदेश १-०२-०४०-प.५३२७ नम्वरको मोटरसाईकल पनि प्रहरीले नियन्त्रणमा लिएको छ । यस्तै, धरानका अजय र अर्जुनको साथबाट ५७ हजार ५ सय १० रुपैया नगद र २ थान मोवाइल पनि वरामद भएको छ । उनीहरु लागुऔषध खरीद गर्न को २२ प ७३५३ नम्बरको मोटरसाईकलसहित पुगेका थिए । पक्राउ परेका तीनै जनाबारे थप अनुसन्धान भईरहेको जिल्ला प्रहरी कार्यालयले जानकारी दिएको छ ।