धरान: प्रहरीले धरानको वडा नं २०, तल्लो खैरेस्थित पाखामा लगाइएको अवैध गाँजाको बोटहरु नष्ट गरेको छ ।

ईलाका प्रहरी कार्यालय धरानका अनुसार हिजो करिब ५ बजे उक्त पाखामा रहेको गाँजाको बोट काटेर नष्ट गरिएको हो । अस्थायी प्रहरी पोष्ट विष्णुपादुकाबाट खटिएको ६ सय वटा गाँजाको बोटहरु काटेर नष्ट गरेको ईलाका प्रहरी कार्यालयले जनाएको छ । ती बोटहरु पाखो बारीमा उम्रिएको अवस्थामा रहेको प्रहरी निरीक्षक हेमराज ओलीले बताए । ‘पाखो बारीमा थियो । आफै उम्रिएको पनि हुनसक्छ, वा कस्ले लगाएको हो भनेर अनुसन्धान भइरहेको छ,’उनले भने ।